విధానము .
100 గ్రాముల పెసర పప్పును ఒక గిన్నెలోకి తీసుకుని ఒకసారి నీటితో కడిగి , అందులో పప్పు మునిగే వరకు నీళ్ళను పోసి రెండు గంటల సేపు నాన బెట్టుకోవాలి.
తర్వాత నీటిని పారబోసి పప్పును వడగట్టు కోవాలి.
ఇప్పుడు మిక్సీ లో పది ఎండుమిరపకాయలు , ముప్పాను స్పూను జీలకర్ర , పావును స్పూనులో సగం ఇంగువను మరియు తగినంత ఉప్పును వేసుకుని మెత్తగా మిక్సీ వేసుకోవాలి.
తర్వాత అందులో నానబెట్టిన పెసరపప్పును మరియు కొద్దిగా నీళ్ళు కూడా వేసుకుని మరీ మెత్తగా కాకుండా మిక్సీ వేసుకోవాలి .
తర్వాత ఈ పచ్చడిని వేరే గిన్నెలోకి తీసుకోవాలి .
పెసరపప్పు అంటే ఏమిటని కొందరు అడుగుతున్నారు. పై పొట్టు తీసిన పెసర పప్పును చాయపెసరపప్పు అని కూడా అంటారు.
అంతే. భోజనము లోకి ఎంతో రుచిగా ఉండే పెసరపప్పు పచ్చడి రెడీ. కొందరు ఈ పచ్చడితో అట్టు వేసుకుని వేడి వేడి అన్నంలో నెయ్యి వేసుకుని నంచుకుని తింటారు. ఇంగువ వాసనతో ఈ దోశెలు కూడా భోజనము లోకి చాలా రుచిగా ఉంటాయి
