కొబ్బరి వాక్కాయ పచ్చడి

కావలసినవి

కొబ్బరి కాయ  -- ఒకటి .  పగుల కొట్టి  పచ్చి కొబ్బరి  కోరాముతో  తురుము కోవాలి.

వాక్కాయలు --  100 గ్రాములు

శుభ్రం చేసుకుని  లోపల గింజను తీసి వేసుకుని  ముక్కలుగా తరుగు కోవాలి.

ఎండుమిరపకాయలు  -- 8

పచ్చి మిరపకాయలు  --  6

మినపప్పు  --  స్పూనున్నర 

ఆవాలు  --  అర స్పూను 

మెంతులు  --  పావు స్పూను 

జీలకర్ర  --  పావు  స్పూను

ఇంగువ  --  కొద్దిగా 

పసుపు --  కొద్దిగా 

ఉప్పు  --  తగినంత 

నూనె  --  మూడు స్పూన్లు 

కరివేపాకు  --  రెండు రెమ్మలు .

తయారీ  విధానము .

 

ముందుగా  కొబ్బరి  తురుము ,  వాక్కాయ ముక్కలు  సిద్ధం చేసుకోవాలి .

తర్వాత స్టౌ మీద బాండీ పెట్టి  మొత్తము  నూనె వేసి  నూనె  బాగా కాగగానే  వరుసగా ఎండుమిరపకాయలు , మెంతులు , మినపప్పు , జీలకర్ర , ఆవాలు ,  ఇంగువ  మరియు కరివేపాకు వేసి  పోపు వేయించుకొని   పోపు వేగగానే  అందులో  పచ్చి మిరపకాయలు  కూడా  వేసి రెండు నిముషములు మగ్గనిచ్చి   దింపుకోవాలి .

ఇప్పుడు ముందుగా  మిక్సీ లో ఎండుమిరపకాయలు ,  తగినంత ఉప్పు మరియు పోపు వేసి పచ్చడి మెత్తగా  మిక్సీ  వేసుకోవాలి.

తర్వాత వాక్కాయ ముక్కలు , పచ్చిమిర్చి , పసుపు వేసి  మరి మెత్తగా  కాకుండా  మిక్సీ  వేసుకోవాలి .

ఇపుడు  చివరగా  కొబ్బరి  తురుము కూడా  వేసి   మరీ మెత్తగా  కాకుండా  మిక్సీ  వేసుకోవాలి.

తర్వాత పచ్చడి వేరే గిన్నెలోకి  తీసుకోవాలి .

అంతే  పుల్ల పుల్లగా  ఇంగువ వాసనతో ఎంతో రుచిగా  ఉండే  కొబ్బరి  వాక్కాయ పచ్చడి రెడీ.